Родри заговара штрајк со колегите поради големиот број натпревари!

14 октомври 2024 - 20:34

Фудбалерите од европските лиги се блиску до штрајк поради тоа што расте нивното незадоволство затоа што играат голем број натпревари во текот на сезоната.

ФИФПро, задружението на европските лиги и шпанската Ла Лига ја обвинија ФИФА за злоупотреба и поднесоа заедничка тужба поради распоредот на натпревари.

Родри од Манчестер сити ја отвори вратата за штрајк уште во август, откако посочи дека никој не сака да го слушне гласот на фудбалери.

Шпанскиот репрезентативец е повреден и ќе паузира до крајот на сезоната, а претходно предупредуваше дека со големиот број натпревари се загрозува здравјето и кариерите на играчите.