Падна Холандија, Елиот со два гола ја однесе Англија во финале!

25 јуни 2025 - 20:33

Селекцијата на Англија до 21 година ќе го брани трофејот од Европското првенство откако со 2-1 ја совлада Холандија во првото полуфинале, херој на мечот беше фудбалерот на Ливерпул, Харви Елиот.

Европското фудбалско првенство до 21 година дојде до самиот крај, денеска на програмата се полуфиналните пресметки, а во првата Англија ја совлада Холандија.

Мрежите мируваа повеќе од еден час, резултатот беше отворен во 63. минута кога Елиот донесе водство на Англија од 1-0.

Десет минути подоцна Охио само што влезе во игра изедначи на 1-1.

Сепак во 86. минута Елиот повторно стапи на сцена, даде уште еден гол за победа на Англија од 2-1 и ново финале на европските младински првенства.

Тие за трофејот ќе се борат со победникот од мечот меѓу Германија и Франција.

Фото: EPA Photo