Официјални состави: Дортмунд не се плаши од „кралот“, Сити ептен офанзивен против Шахтер (ФОТО)

26 септември 2017 - 19:46

Европскиот првак Реал Мадрид нема убави спомени од гостувањата на „Сигма Идуна парк“, кај поранепниот европски првак Борусија Дортмунд, па иако со Кристијано Роналдо – Герет Бејл и Иско во нападот, бундеслигашот нема намера да игра затворено против фаворизираниот ривал.

Барем според официјалните состави, Борусија не се плаши од „кралот“, па со формација 4-3-3 ќе се обиде дури и да го изненади и да го искористи моментот во кој Зинедин Зидан е без левиот бек Марсело и без напаѓачот Карим Бензема, кои се повредени и ќе отсуствуваат цел месец.

Манчестер сити е домаќин на Шахтер, а Пеп Гвардиола реши против Украинците да оди екстремно офанзивно, за уште на полувреме да ја заврши работата, иако Шахтер против Наполи покажа дека не е за потценување и може да изненади. Гвардиола почнува со Давид Силва и Кевин Де Брајн како играчи за врска и поддршка за Серхио Агуеро, Лерој Сане и Габриел Хесус во нападот.