Македонски судии за мечот Реал - Челси, дуел од младинската ЛШ!

19 февруари 2026 - 19:56

Реал Мадрид и Челси ќе се соочат во осминафиналето на младинската Лига на шампиони (ЛШ), а натпреварот е закажан за 25 февруари од 16 часот на „Естадион Алфредо Ди Стефано“, додека правдата ќе ја делат македонските судии Игор Стојчевски, Вјолца Изери и Филип Ицковски.

Стојчевски ќе биде главен судија на дербито во младинската ЛШ, додека негови асистенти покрај аут-линијата ќе бидат Изери и Ицковски, а четврти судија на натпреварот е Шпанецот Алваро Родригез Ресио.

Во оваа рунда се игра еден натпревар, а доколку резултатот е нерешен во регуларните 90 минути, тогаш ќе се изведуваат пенали.

Фото: EPA