Фуксе Берлин подобар од Динамо, Кјелце по драма го победи Веспрем

19 февруари 2026 - 20:57

Ракометарите на Кјелце остварија важна победа против Веспрем (36-35), додека Фуксе Берлин триумфира над Динамо Букурешт со 27-21 во 11. коло од Лигата на шампиони (ЛШ).

Првото полувреме меѓу Кјелце и Веспрем понуди голем број погодоци, а унгарскиот тим замина на паузата со водство од 19-17.

Кјелце притисна на стартот на вториот дел и израмни на 22-22, но Веспрем повторно ја врати предноста (28-26). Следеше вистинска драма во завршницата од дуелот, а на крајот триумфира екипата од Полска со 36-35.

Алекс Душебаев и Пјотр Адам Јарошевич постигнаа по шест голови за Кјелце, додека Ахмед Хешам погоди девет пати за Веспрем.

Динамо Букурешт понуди отпор против Фуксе Берлин во првиот дел (12-13), но потоа германскиот гигант ја презема контролата и успеа да слави со 27-21. Матијас Гидсел постигна осум голови за победничкиот тим, додека Бранко Вујовиќ со пет погодоци беше најефикасен кај поразената екипа.

Фото: Facebook/Industria Kielce