Лион го декласира Карабах, Лацио киксна против Лудогорец

28 ноември 2024 - 20:54

Поранешниот француски шампион Лион славеше со убедливи 4-1 на гостувањето кај Карабах, додека Лацио на домашен терен ремизираше против Лудогорец во петтото коло од Лига Европа.

Карабах беше подобар тим во првото полувреме, но единствениот гол го постигна Микаутаѕе за предност од 1-0 на Лион.

Лион влезе во одлична серија во последниот половина час од мечот, кога стрелаа Толисо, Фофана и Микаутаѕе за 4-0, по што Жунињо од пенал намали на 1-4 во завршницата.

Лацио беше во серија од четири победи по ред сè до денеска, кога Лудогорец го преживеа гостувањето во Рим и ја зачува мрежата (0-0).

Екипата од Рим доминираше на теренот и создаде дури 20 шанси, но не реализира ниту една од нив.

Резултати:

Андрелехт – Порто 2-2
Атлетик Билбао – Елфсборг 3-0
АЗ Алкмар – Галатасарај 1-1
Бешикташ – Макаби Тел Авив 1-3
Динамо Киев – Викторија Плзен 1-2