И тоа се случи - Мегваер херој за Манчестер Јунајтед! (ВИДЕО)

Натпреварот започна одлично за Јунајтед и не изгледаше дека избраниците на Тен Хаг повторно ќе разочараат. Маркус Рашфорд по само седум минути игра донесе предност за Манчестер Јунајтед, а веќе во 20. минута Хојлунд се погрижи за 0-2.

Но, Порто не се откажа и до крајот на првиот дел постигна два гола. Пепе седум минути по голот на Хојлунд намали на 1-2, а веќе во 34. Омордион донесе изедначување.

Вистински студен туш за гигантот од „Олд Трафорд“ следуваше на почетокот на вториот дел кога Омордион го постигна својот втор гол за 3-2.  Ситуацијата за Јунајтед изгледаше уште полошо кога Бруно Фернандеш на десетина минути до крајот го заработи вториот жолт картон и предвреме беше испратен во соблекувалната.

Поразот Јунајтед го избегна со голот на Мегваер во 91. минута и тоа откако во игра влезе по исклучувањето на Фернандеш. За Јунајтед ова е второ реми во Лигата на Европа откако претходно ремизираа и со Твенте (1-1).

Разочарување на своите навивачи им приреди Рома која беше изненадена од Елфсборг на гостински терен со минимални 1-0. Единствениот гол на натпреварот го постигна Баидо од пенал пред крајот на првиот дел.

Во останатите натпревари: Лион на гости го декласираше Ренџерс со 1-4, Атлетик Билбао дома беше подобар од АЗ Алкмар со 2-0, Ајнтрахт го совлада Бешикташ со 0-3 во Турција, ФСЦБ се радуваше на три бода во Грција против ПАОК со 0-1, со по еден гол на двете страни заврши средбата Твенте - Фенербахче, додека на дуелите Ројал Унион СГ - Бодо Глимт и Викторија Плзен - Лудогрец не видовме погодоци.