Драма во финалето на Супер Глоуб: Веспрем се радуваше по продолженија!

03 октомври 2024 - 21:29

Eкипата на Веспрем по еден драматичен натпревар и продолженија успеа за првпат да го освои трофејот на Супер Глоуб откако во финалето славеше над Магдебург со 33-34.

Магдебург кој го освојуваше трофејот во изминатите три години вечерва беше симнат од тронот.

Финалето донесе максимално изедначена игра и во најголем дел од натпреварот гледавме игра гол за гол. Првата посериозна предноста Веспрем ја направи кон средината на второто полувреме кога поведе со 18:22. Магдебург до крајот сепак успеа да се врати, па регуларниот дел заврши без победник 28-28.

Во дополнителните десет минути продолжи изедначената игра, но Веспрем за нијанса беше подобар во клучните моменти и со 33-34 славеше победа.