Кливленд се врати на врвот на Истокот, Ембид блесна против Шарлот (ВИДЕО)

21 декември 2024 - 08:09

Минатата ноќ во НБА-лигата беа одиграни три натпревари, а до нови победи стигнаа Филаделфија против Шарлот со 108-98, Кливленд против Милвоки со 124-101 и Оклахома славеше против Мајами со 104-97.

Кливленд на домашен терен немаше многу проблеми против Милвоки, иако расположен во поразениот тим беше Јанис Адетокумбо со 33 поени и 14 скокови, додека најефикасен кај победникот беше Мичел со 27 поени.

Филаделфија запиша нова победа во НБА-лигата благодарение на Џоел Ембид кој постигна 34 поени, пет скокови и девет асистенции, а на спротивната страна најдобар беше Василије Мичиќ со 20 поени и четири асистенции.

Оклахома на крилјата на Џејлен Вилијамс ја освои Флорида, а кошаркарот од победничкиот сосстав запиша 33 поени, шест скокови и четири асистенции.