Динамо и Адеми пред пласман во ЛШ: Црвена Звезда ремизираше кај Јанг Бојс (ВИДЕО)
Динамо Загреб ги реши сите дилеми околу победникот уште во првото полувреме, кога и ги постигна двата гола против Розенборг. Бруно Петковиќ во осмата минута беше сигурен од белата точка, додека Мислав Оршиќ го постигна вториот гол за „модрите“ во 28-та минута. Македонскиот репрезентативец Аријан Адеми го одигра целиот натпревар за хрватскиот шампион.
Црвена Звезда одигра 2-2 на гостувањето кај Јанг Бојс во еден интересен и неизвесен натпревар. Швајцарците први поведоа преку Роџер Асале во седмата минута. Милош Дегенек израмни на 1-1 за белграѓани во 18-тата минута со убав погодок со глава. На стартот на второто полувреме Звезда направи пресврт и поведе преку новајлијата Матео Гарсија, кој погоди на своето деби. Гилам Оро ги постави конечните 2-2 од пенал во 76-тата минута, откако Боачи стартуваше несмасно во шеснаесетникот на Црвена Звезда.
Олимпијакос е многу близу до пласман во групната фаза во Лигата на шампиони по победата од 4-0 против Краснодар пред своите гледачи во Пиреја.
Реванш натпреварите се закажани за следната недела.