Чудна Лига на шампиони: Со три од четирите можни противници, Барселона веќе играше сезонава

30 јануари 2025 - 08:14

Оваа сезона, УЕФА воведе драстични промени во Лигата на шампионите по првата фаза повеќе не се игра во групи, туку секоја екипа добива осум ривали со кои се среќава и на крајот се брои вкупниот број бодови.

Во лигашкиот има ограничувања како порано бидејќи не можат против себе да играат две екипи од иста држава, но кога станува збор за нокаут-фазата, таму не постои такво нешто. Затоа е интересна ситуацијата пред плејофот и осминафиналето кои се на програмата во февруари и март.

Секој од директните осминафиналисти има четири потенцијални ривали, а кај Барселона, три од нив се екипи со кои веќе се сретна во лигашкиот дел. Станува збор за Брест, Бенфика и Монако, а четвртиот е ПСЖ што исто така е интересно затоа што во плејофот сигурно ќе се паднат две екипи од Франција. Барселона на трите натпревари со досегашните ривали оствари две победи и еден пораз, Бенфика ја совлада со 5-4, Брест со 3-0, а загуби од Монако во првото коло со 1-2.

Ждрепката за плејофот и натамошниот дел од Лигата на шампионите ќе се одржи в петок, а уште сега е јасно дека престојат неколку мега-пресметки во елитното натпреварување.