Бура во Ливерпул: Слот направи потег кој ги разочара навивачите на клубот

29 септември 2025 - 22:21

Ливерпул утре го игра вториот меч во Лигата на шампиони (ЛШ), а следен ривал им е Галатасарај, меѓутоа пред патот во Истанбул пристигна големо разочарување за навивачите на англискиот шампион.

Тренерот Арне Слот ги разочара навивачите затоа што во авионот за Истанбул не го зема и Федерико Кјеза, кој игра сè подобро во дресот на „црвените“.

Англиските медиуми пишуваат дека Кјеза не е повреден, но нема да патува поради техничка одлука на стратегот на Ливерпул, а тоа предизвика бурни реакции на фановите.

Навивачите сметаат дека Слот направил голема грешка затоа што со себе не го земал човекот кој оваа сезона на шест настапи запиша два гола и две асистенции.

Фото: Facebook/Liverpool FC