Буфон: Ако го сретнев судијата Оливер два дена подоцна, ќе го гушнев и ќе му се извинев!

Италијанецот по мечот  го обвини арбитарот дека има срце полно со ѓубре и кажа дека не се кае поради тоа што го направил.

Сепак, очигледно страстите се смирија, па Буфон на прес-конференцијата на која се прости со навивачите на Јувентус, кажа дека би го гушнал судијата Оливер и би му се извинил.

„Многу ми е жал поради тоа, во повеќе од 23 години кариера во Лигата на шампиони, јас никогаш не сум добил црвен картон, па чувствувам дека се однесував праведно и на спортски начин со сите. Неколку дена по настанот, ми беше жал што го нападнав судијата, бидејќи на крајот на денот и тој е човек, кој извршува многу тешка работа. Ако го видев два дена подоцна, јас ќе го гушнев Мајкл Оливер и ќе му се извинев за непријатната ситуација“, објасни Буфон.