Белгија остана без две ѕвезди за дуелот против Русија на Еуро 2020

11 јуни 2021 - 17:13

Селекторот на Белгија, Роберто Мартинез се соочува со сериозни проблеми во пресрет на првиот натпревар од групната фаза на Еуро 2020 бидејќи нема да може да смета на двајца репрезентативци, а тоа се Аксел Витсел и Кевин Де Брајне.

Ѕвездите на Борусија Дортмунд и Манчестер сити останаа во тренинг-кампот на репрезентацијата, каде што продолжија со процесот на рехабилитација од повредата и не заминаа со тимот, па така нема да бидат во конкуренција за дуелот против Русија, кој е закажан за сабота од 21 часот.

Де Брајне се повреди во финалето на Лигата на шампиони, кога се повреди по судирот со дефанзивецот на Челси, Антонио Рудигер и притоа го скрши носот, додека Витсел одбрана по повредата на Ахиловата тетива, поради која од јануари е надвор од фудбалските терени.

Засега не е познато кога би можеле тие двајца да се вратат во составот и да му помогнат на белгискиот тим во следните предизвици.