Албанци се тепале со Срби по фудбалскиот меч помеѓу Швајцарија и Србија (ВИДЕО)

16 ноември 2024 - 10:07

По завршувањето на натпреварот од Лигата на нации помеѓу фудбалските репрезентации на Швајцарија и Србија (1-1), дошло до физички конфликт помеѓу две групи навивачи на трибините на стадионот во Цирих.

Според „Спорт Клуб“, кој објави и снимки од инцидентот (види ТУКА), судирот започнал меѓу навивачи на Србија и, како што се претпоставува, Албанци, кои го следеле натпреварот. Конфликтот на почетокот бил вербален, но брзо преминал во физичка пресметка, во која учествувале околу дваесет лица.Тепачката продолжила и надвор од стадионот, но полицијата брзо реагирала и го прекинала инцидентот.

Во тепачката нема повредени, на крајот потенцираат од „Спорт Клуб“.