Во саудиското дерби: Милинковиќ-Савиќ и Митровиќ го „расплакаа“ Роналдо (ВИДЕО)

01 декември 2023 - 22:44

Екипата на Ал-Хилал ја доби дерби-пресметката со Ал-Наср (3-0) во меч од 15. коло од првенството на Саудиска Арабија, кое беше решено од двајца српски интернационалци, кои го пополнија отсуството на Нејмар и му одржаа лекција на Кристијано Роналдо.

Сергеј Милинковиќ-Савиќ го отвори резултатот во 64. минута, додека Александар Митровиќ во само три минути на крајот постигна два погодока за потврда на големиот успех на домашниот тим.

Ова беше деветта победа по ред за Ал-Хилал во саудиското првенство, со која само се зацврстија на лидерската позиција со 41 бод и тоа сега со седум повеќе од најголемиот конкурент за кого игра Роналдо, кој вечерва беше еден од полошите фудбалери во својата екипа.