Тројца Французи се запишаа во историјата на „галските петли“!

23 ноември 2022 - 08:20

Тројца француски репрезентативци се запишаа во историјата на францускиот фудбал после синоќешната победа против Австралија со 4-1 на стартот на одбраната на светската круна од Русија.

Прво име е Оливие Жиру, кој стана најстар фудбалер на „триколорите“ кој заиграл на СП, па уште даде и два гола, како најстар стрелец на двојниот светски првак и се израмни со Тјери анри на вечната листата на стрелци со по 51 гол. Првиот следен ќе го направи најдобар стрелец во историјата на Франција.

Килијан Мбапе, најголемата француска ѕвезда моментно, зашто стана најмладиот фудбалер во историјата на Франција, кој успеал да дојде до пет гола на Светските првенства. Мбапе, кој го освои СП во 2018, даде четири гола во Русија, а погоди и денеска и до ефектот стигна до 23 години и 337 дена. Патем е во страшна серија со 12 гола на 11-те последни мечеви за „галските петли“.

Адриен Рабио, пак, стана прв француски репрезентативец после 24 години кој на еден мундијалски меч запиша гол и асистенција. Последен што тоа го направи беше Криштоф Дугари на СП 1998 во Франција против Јужна Африка, кога „триколорите“ првпат станаа светски прваци.