Тен Хаг замина, Манчестер јунајтед му даде пет гола на Лестер! (ВИДЕО)

30 октомври 2024 - 22:42

Фудбалерите на Манчестер јунајтед како да чекаа Ерик Тен Хаг да добие отказ па да се разиграат. Вечерва „црвените ѓаволи“  во Лига купот беа подобри од Лестер со 5-2.

Посебно одлични домаќините беа во првото полувреме кога постигнаа четири гола. 

Натпреварот беше отворен со еден спектакуларен гол на Касемиро по само 15 минут игра. Веќе десет минути подоцна Гарначо зголемува на 2-0, додека во 33. минута Ел Канус намалува на 2-1.

Фернандеш и уште еднаш Касемиро погодија до крајот првите 45 минути за убедливи 4:1. Коади се погрижи Лестер да има 4-2 на паузата во последните моменти од првото полувреме.

Во вториот дел не гледавме толку возбудлив натпревар и само Фернадеш го постигна својот втор гол за конечни 5-2.

 

Место во четвртфиналето обезбеди и Ливерпул кој ја доби премиерлигашката пресметка со Брајтон 2-3. Во останатите натпревари сигурен беше Аренал со 0-3 против Престон, Кристал Палас беше подобар од Астон Вила со 1-2, а Њукасл го елиминираше Челси со 2-0.