Стрелецот на еден од најубавите голови во Премиер лигата ќе игра на Тајланд

05 август 2025 - 07:20

Поранешниот репрезентативец на Англија, Андрос Таусенд кариерата ја продолжува на Тајланд каде што ќе игра во клубот Канчанбури Пауер кој е негов 16. во кариерата.

Таусенд на Островот го паметат и по спектакуларниот гол со волеј против Манчестер сити во сезоната 2018/2019 кога го носеше дресот на Кристал палас, а сега ќе игра фудбал на Тајланд.

Во прашање е клуб кој е основан пред осум години и оваа година за првпат ќе играат во најсилната конкуренција, па така одлучија и сериозно да се засилат.

Низ својата  кариера Таусенд собра 13 натпревари за репрезентацијата на Англија во кои постигна и три погодоци.