Сопругата на Манингер скршена од болка: Нашето семејство е уништено! (ФОТО)

Ќе потсетиме, Манингер почина на 16 април, откако во него удрил воз на железнички премин без рампа во близина на Салцбург. Во трогателното писмо, неговата сопруга се потсети на нивниот семеен живот и зборуваше за Манингер како татко, пријател и сопруг.

„Алекс, не можам со зборови да ја опишам незамисливата болка што ја чувствувам. Ние не сме семејство кое ваква болка ја споделува јавно, но немам избор, бидејќи ме преплави бран љубов од целиот свет. Сметам дека е важно да се каже каков човек беше дома, покрај тоа што беше исклучително ценет на теренот. Денес седам дома со нашето семејство, обидувајќи се да прифатам дека ова е нашата реалност. Речиси е невозможно да се опише трагедијата со која се соочуваме како семејство. Сепак, дозволи ми да се обидам.

Алекс, ти благодарам за нашите два сина, Александер и Николас. Тие се моето срце и душа.Често зборувавме за тоа како сè се одвиваше токму онака како што си планирал. Толку многу сакаше деца, но дури по кариерата, кога знаеше дека ќе имаш време за нив. Токму тоа и го направи. Алекс, беше најневеројатниот татко за нашите момчиња, тие те обожаваа. Да бидам твоја сопруга беше моето најсреќно место.

Не ми беше само сопруг, туку и најдобар пријател. Секогаш можев да се потпрам на тебе, што и да ни требаше. Имавме совршен живот. Толку многу работи правевме заедно: шетавме, во лето одевме со брод по езера, веславме, игравме игри, планинаревме, скијавме, игравме голф и со децата престојувавме во прекрасни планински хотели – списокот е бескраен.

Салцбург е нашиот дом. Се чувствувам благословено што со нашите деца живеам на толку убаво и безбедно место и ти благодарам што ѝ овозможи на нашата фамилија ваков живот. Знам колку ме сакаше мене и нашите момчиња. Те обожававме, Лекс, а и нашите семејства беа толку среќни поради нас.

Беше многу образован и зборуваше неколку јазици. Многу патуваше, беше искусен и разумен. Ми беше неверојатно интересен, а и многумина сакаа да седат и да разговараат со тебе. Беше прекрасен син на својата мајка. Веста за твојата смрт ме уништи како личност, како и целото наше семејство. Сега морам да бидам силна за тебе и за нашите деца. Не верувам дека го заслуживме ова, но верувам дека постои Бог и дека те примил кај себе, покрај твојот татко.

Твојата девојка, Емили“; стои во нејзината порака.