Селекторот на Канада со скандалозна изјава: Следна цел ни е да ја е*еме Хрватска!

24 ноември 2022 - 11:09

Репрезентацијата на Канада ги освои симпатиите на светската спортска јавност, откако синоќа незаслужено загуби во дуелот со Белгија (0-1) во меч во кој беше подобар противник и во кој промаши еден пенал, а не им беше досуден уште еден очигледен удар од белата точка.

Но, позитивното што го добија вчера го загубија утринава, откако во јавноста се појави изјавата на канадскиот селектор, Џон Хердман, во која нема ни трошка почит за нивниот следен противник, Хрватска.

„Само што им кажав на моите фудбалери дека докажаа дека припаѓаат да бидат дел од Мундијалот и дека продолжуваме како што почнавме. Наша цел сега е да ја е*еме Хрватска“, изјави Хердман.

Натпреварот помеѓу Канада и Хрватска, која стартуваше со реми против Мароко (0-0), ќе се одигра в недела на 27 ноември.