Роналдињо со приватен авион пристигна на претставувањето во новиот клуб (ВИДЕО)

20 август 2026 - 17:37

Еден од најдобрите фудбалери во историјата и поранешна ѕвезда на Барселона и Милан, Роналдињо, пристигна во италијанскиот регион Ромања.

Бразилецот со приватен лет од Милано слетал на аеродромот „Ридолфи“ во Форли, по што со својот тим се упатил кон Равена.

Официјалното претставување на Роналдињо како нов фудбалер на Равена ќе се одржи вечерва во Марина ди Равена.

Настанот е закажан од 20:30 часот на плажата покрај јужниот бранобран, а организаторите очекуваат меѓу 5.000 и 6.000 посетители. Роналдињо ќе остане во Ромања и утре, кога е предвидена негова посета на клубот.

Овој потег е многу повеќе од симболика. Роналдињо поставил јасна цел и сака да го постигне својот последен професионален гол во дресот на Равена, со што би ставил точка на една од најславните кариери во историјата на фудбалот.