Преговорите започнале: Maнчестер јунајтед има нова идеја за засилување во нападот

01 јули 2025 - 11:55

Манчестер јунајтед има нова идеја за засилување во нападот, Оли Воткинс, еден од најдобрите напаѓачи во англискиот фудбал кој во изминатата сезона беше лидер на Астон вила.

Воткинс зад себе има сезона во која одигра 38 натпревари во Премиер лигата и во нив постигна 16 гола и запиша осум асистенции.

Некои од најпознатите медиуми и новинари пишуваат дека Манчестер јунајтед веќе стапил во контакт со Астон вила, но и со самиот фудбалер. Првите разговори за можен трансфер на англискиот голгетер на „Олд Трафорд“ се случиле во текот на преговорите за иднината на Маркус Рашфорд кого Астон вила не се одлучи да го откупи.

Според најавите Манчестер јунајтед речиси сигурно ќе се раздели со Расмус Хојлунд, па тоа ја отвора можноста за преселба на Воткинс на „Олд Трафорд“.