Потврден еден од најголемите трансфери летово во Премиер лигата

11 јули 2025 - 21:41

Напаѓачот Антонио Еланга кој го носеше дресот на Нотингем Форест од вечерва и официјално е нов фудбалер на Њукасл каде што пристигнува во трансфер вреден 55 милиони евра.

Еланга со Њукасл ќе има можност да игра и во Лигата на шампионите, а договорот кој го потпиша е со важност од пет години.

Тренерот Еди Хау не го криеше задоволството од неговото пристигнување.

„Пресреќен сум. Тој беше една од најважните мети за нас и многу сум задоволен што успеавме да го доведеме на стартот од припремите“, изјави одличниот стратег.

Еланга кој во кариерата беше дел и од Манчестер јунајтед во Њукасл ќе му се придружи на неговиот сонародник од репрезентацијата на Шведска, Александар Исак, но неговата иднина на „Сент Џејмс Парк“ не е сигурна.

Во изминатата сезона на 38 натпревари Еланга пстигна шест погодоци.