Пиоли се врати во Серија А по отказот во Саудиска Арабија

12 јули 2025 - 17:45

Италијанскиот тренер, Стефано Пиоли се врати во Фиорентина која ја предводеше од 2017 до 2019 година и потпиша тригодишен договор.

Пиоли претходно доби отказ во саудискиот Ал Наср кој му беше и првиот ангажман надвор од Италија.

Помеѓу првиот мандат во Фиорентина и заминувањето во Ал Наср, Пиоли го водеше Милан пет години од 2019 до 2024 година, а со „росонерите“ го освои и Скудетото во 2022 година.

Форентина за Пиоли е единствениот клуб кој го ангажираше двапати да го предводи сениорскиот тим, исто така го носеше и дресот како фудбалер од 1989 до 1995 година.

Во првото коло од Серија А кое е на програмата ен а 24 август Фиорентина ќе гостува на Каљари.