Перез го „мерка“ синот на Роналдо: Испратил скаути и во Хрватска, а тој - не воодушевил!

Португалија го освои турнирот откако ја победи Хрватска во финалето до 3-2, а во тој натпревар токму Кристијано Жуниор беше стрелец на два гола. Шпанските медиуми пишуваа дека дури Флорентино Перез испратил свои скаути да го следат настапот на синот на Португалецот. Сепак, и покрај погодоците во финалето оценката за неговиот настап не е превисока.

Голем дел од скаутите кои го следеле од почетокот на турнирот имале сериозни критики, меѓутоа еден од најпознтите „ловци на таленти“, Јацек Кулиг смета и дека не треба да се биде толку остар кон младиот фудбалер.

„Некои скаути не беа воодушевени од неговата игра, но според мене, ситуацијата не е толку драматична. Тој сè уште расте и се развива. Во одредени моменти изгледа несмасно, што е нормално за неговата возраст. Притисокот што го носи неговото име е огромен. Ако успее да достигне дури и 1% од кариерата на неговиот татко, тоа ќе биде исклучителен успех“, изјави Кулиг.

Споменатите погодоци во финалниот натпревар против Хрватска беа и први за Кристијано Жуниор во една селекција на Португалија.

Фото: Cristiano Ronaldo/FB