Нов подвиг на Роналдо: Продолжи низа долга 24 години

09 јануари 2025 - 20:05

Кристијано Роналдо вечерва во победата на Ал Наср против Ал-Окод од 3-1 постигна нов гол.

Португалецот во 42. минута го комплетираше пресвртот за својот тим и погоди од пенал за 2-1, преостанатите два гола беа дело на Садио Мане. За Роналдо ова беше прв погодок во 2025 година со што стигна до голем подвиг.

Имено, 2025 година е 24-та година во низа во која Роналдо постигнува барем еден гол во сениорскиот фудбал, а низата ја започна во Спортинг во 2022 година.

Тој прв гол Роналдо го постигна во натпреварот помеѓу Спортинг и Мореиренсе кој заврши со победа на фаворитот од 3-0. Во наредните години Роналдо постигнуваше голови за Манчестер јунајтед, Реал Мадрид, Јувентус и Ал Наср во клупскиот фудбал, како и за репрезентацијата на Португалија.

Вкупно за Роналдо денешниот гол беше 917 во кариерата.