Напаѓачот на Интер возел 1.000 километри за да избега од бомбардирањето во Иран

25 јуни 2025 - 16:48

Напаѓачот на Интер Мехди Тареми кој избувнувањето на воениот конфликт со Израел го затече во неговиот Иран успеал да го напушти Техеран, пренесува „Газета дело Спорт“.

Имено, Тареми успеал по долг пат со својот автомобил да пристигне во неговиот роден град Бушех и за тоа го известил тренерот Кристијан Киву.

За да дојде до ова место тој со автомобил поминал повеќе од 1.000 километри.

„Семејството го чекаше да се врати по ризичното патување на југот на земјата. Тареми го одржуваше контактот со менаџерот на тимот, разговарал со тренерот Киву и константно бил во разговори со соигачите на ВатсАп група“, пренесува „Газета“.

Тареми сега тренира самостојно со цел да ја одржува формата и чека шанса ако е можно да ја напушти земјата и да дојде до САД каде што Интер учествува на Светското клупско првенство.