Мбапе ја продолжува потерата по Меси - еврогол за израмнување со Роналдо (ВИДЕО)

Килијан Мбапе се израмни на третото место на вечната листа на стрелци на светските првенства откако вечерва го отвори резултатот со Ирак по само 14 минути игра.

Францускиот ас испрати бомба кон голот на азиската селекција и на фантастичен начин ја затресе противничката мрежа. Со тоа стигна до 15 гола на мундијалите со кои се израмни со Роналдо да Лима и тоа на својот јубилеен 100. натпревар во дресот на француската репрезентација.

Пред него сега е Мирослав Клосе со 16 и него може да го достигне веќе вечерва, а на првото место е Лионел Меси со денешните два гола против Австрија.