Алварез ја фрли „бомбата“: Најдобро за сите е да си одам од Атлетико (ВИДЕО)

На таа тема зборуваше непосредно по мечот со Австрија со што ги зголеми шпекулациите дека сака да се пресели во Барселона.

„Можеби не е вистински момент да зборувам на оваа тема, но не сакам да се претворам дека се е в ред. Се обидувам да бидам искрен со луѓето од клубот. Мислам дека е најдобро за сите да си заминам од Атлетико и да го исполнам својот сон“, изјави Алварез.

Аргентинецот е цел број 1 на Барселона во летниот преоден рок и во каталонскиот тим треба да биде замена за Роберт Левандовски кој си замина на крајот од сезоната.