„Марка“ немаше милост: Брутално го понижи дефанзивецот на Реал за настапот против ПСЖ!

10 јули 2025 - 19:24

Шпанските медум не ги штедеа фудбалерите на Реал Мадрид по тешкиот пораз од Пари Сен Жермен во полуфиналето на Светското клупско првенство, а најголемо понижување доживеа младиот дефанзивец Раул Асенсио.

Новинарите на „Марка“ Асенсио за настапот против европскиот шампион го оценија со оценка „нула“. Една од причините за ваквата оценка сигурно е големата грешка која ја направи при водечкиот гол на ПСЖ, но и во текот на натпреварот имаше повеќе лоши одлуки кои влијаеа на текот на комплетниот натпревар.

Во текстот на еден од најпознатите шпански медиуми се потенцира и дека Асенсио не се прославил ниту на претходните натпревари кои ги одиграл во САД.

„Униишти се добро што правеше во текот на сезоната, поради што и доби шанса да игра на Светското клупско првенство. Направи три лоши грешки во три разлчни натпревари кои го прикажаа во лошо светло, не само за клубот туку и за репрезентацијата. Овој турнир сигурно нанесе многу штета на неговата кариера“, пишува „Марка“.

Фото: Real Madrid C.F/X