Магијата на ФА Купот: Водоинсталатер беше играч на натпреварот против Тотнем

12 јануари 2025 - 21:04

Aматерскиот клуб од петтиот ранг на англискиот фудбал Тамворт денеска беше на чекор од сензација против Тотнем, а најголемо внимание привлече фудбалерот на домаќините Хајден Холис.

ФА Купот секогаш носи посебна магија и ги исполнува соновите на фудбалерите од помалите и аматерски клубови во Англија и речиси секоја година се испишува некоја убава приказна.

Најстарото фудбалско натпреварување поради начинот на ждребот во кој нема правила им овозможува на аматерските клубови во раната фаза да се сретнат со најголемите клубови во англијак.

Така Тамворт кој е на 16. позиција во петтиот ранг на англискиот фудбал денес играше против Тотнем и издржа во регуларните 90 минути да не прими гол, резултатот беше 0-0. Во продолженијата фудбалерите на овој тим пропуштија и две големи прилики за сензација.

Тотнем потоа сепак постигна три гола и дојде до победата. Сепак, фудбалер на домашниот состав беше прогласен за играч на натпреварот.

Во прашање е 32-годишниот стопер Хајден Холис кој работи како водоинсталатер. Тој денеска одигра одличен натпревар во кој одлично ги затвораше приодите кон својот гол против екипата која во стартните 11 имаше вредност над 300 милиони фунти.