Ливаковиќ: Бразилците се најдобри на светот, но ние оставивме срце на терен!

09 декември 2022 - 19:20

Чудесниот Доминик Ливаковиќ денеска ги полуде Бразилците, само Нејмар еднаш успеа да го совлада и собра рекордни 10 интервенции, двојно повеќе од Алисон Бекер за цело првенство, па одбрани и еден пенал, негов четврти одбранет на ова СП во Катар после трите со Јапонија во осминафиналето.

Соиграчот на Стефан Ристовски и Аријан Адеми од Динамо Загреб си ја набилда цената, па „модрите“ на лето ќе направат нов спектакуларен трансфер после фантастичните одбрани, а колку и да е победата епска, новото полуфинале историја, младиот хрватски голман уште поскромно делува после ваква една победа.

„Бразилците се најдобри на светот, ама ние го оставивме срцето на теренот. Никогаш не се предаваме, секогаш сме спремни да го дадеме максимумот, па и повеќе од тоа. Не знам како да го опишам сето ова. Не се предадовме ни кога примивме гол, се боревме 120 минути и поминавме“, рече Ливаковиќ