Коментатор ги помеша Иран и Нов Зеланд - Турците веднаш го избркаа! (ВИДЕО)

17 јуни 2026 - 13:30

Турската државна телевизија го отстрани коментаторот Мурат Екрем Чимен од тимот за пренесување на натпреварите од Светското првенство поради грешка за време на дуелот меѓу Иран и Нов Зеланд.

Одлуката била донесена веднаш по гафот кој го направи во дуелот и за него Мундијалот е завршен кога во прашање се работните обврски.

Чимен во почетните минути од преносот на натпреварот помеѓу Иран и Нов Зеланд кој заврши без победник 2-2 ги помеша двете репрезентации, па дури кога во кадарот се појави Мехди Тареми сфати дека Иранците се во бела комбинација.

Од ТРТ порачаа дека ваква грешка е неприфатлива и им се извинија на навивачите.

„Им се извинуваме на нашите гледачи и на јавноста поради оваа грешка“, соопштија од телевизијата додавајќи дека за нив е неверојатно како коментатор со искуство повеќе од 30 години може да си дозволи ваков пропуст.