Кавани ѝ кажа збогум на Бока (ВИДЕО)

02 јули 2026 - 17:23

Аргентинскиот гигант Бока Јуниорс и искусниот напаѓач Едисон Кавани постигнаа договор за спогодбен раскин на соработката.

Уругвајскиот фудбалер, кој во редовите на Бока пристигна во 2023 година, им се заблагодари на навивачите со емотивна видео-порака, истакнувајќи дека настапувањето за аргентинскиот гигант претставувало остварување на неговиот детски сон.

Кавани го завршува својот престој во клубот со 28 постигнати погодоци на 81 одигран натпревар, а дел од аргентинските медиуми најавуваат и дека славниот Уругваец ќе ја заврши кариерата, но засега тоа не е потврдено.

Пред пристигнувањето во Бока Кавани го носеше дресот на Валенсија, Манчестер јунајтед, ПСЖ, Наполи, Палермо и уругвајскиот Данубио каде што започна.