Капело не може да го спореди Јамал со Меси и Марадона, но може со Роналдо

14 мај 2025 - 15:33

Еден од најдобрите тренери на сите времиња, Фабио Капело зборуваше за Ламин Јамал објаснувајќи зошто според него тинејџерот не може да биде споредуван со Меси или Марадона.  

Како што вели Капело, Јамал не го гледа како феномен, туку само како квалитетен фудбалер со огромен потенцијал.

„Ламин Јамал е фудбалер со многу квалитети и огромен потенцијал за напредок, но не го гледам како феномен. Меси и Марадона правеа работи кои никој не можеше ни да ги замисли. Засега, не можам да го споредам со нив“, изјави Капело.

Капело направи споредба и со Кристијано Роналдо, истакнувајќи ја разликата меѓу бројките и чистиот фудбалски талент.

„Не зборувам за бројки, зборувам за квалитет и генијалност. Кристијано Роналдо е импресивен играч... Колку голови има постигнато? Повеќе од сите, но сепак не може да биде како Меси или Марадона“, објаснува Капело.

И покрај оваа анализа, Капело изненади со ставот дека би гласал токму за Ламин Јамал за Златната топка.

„Мојот глас за Златната топка би бил за Ламин Јамал. По него, Винисиус и Мбапе“, одговори Капело.

Фото: FIFA/X