Славен Белупо и Риека ремизираа: Несторовски и Манев ќе решаваат за титулата во реваншот

14 мај 2025 - 20:05

Првиот меч од финалето во Купот на Хрватска меѓу Славен Белупо и Риека заврши без победник (1-1), па така двете екипи ќе решаваат за титулата во реваншот кој е закажан за 29 мај.

Риека прва постигна гол на натпреварот, и тоа преку Тони Фрук во 25. минута, додека Славен Белупо успеа да израмни во 68. минута преку Антонио Босец.

Македонскиот интернационалец Илија Несторовски го одигра цел меч за Славен Белупо, додека Јован Манев не доби шанса од клупата кај Риека.

Реваншот меѓу тимовите е закажан за 29 мај на стадионот на Риека од 19 часот.

Фото: NK Slaven Belupo