Хорор во Алжир: Се сруши ограда од трибина, едно лице загина (ВИДЕО)

22 јуни 2025 - 12:20

МЦ Алжер ја освои титулата во алжирското првенство, но славјето го помати хоророт што се случи на стадионот „5 Јули“.

Еден навивач загина откако се сруши оградата од трибината и тој падна од горниот дел, а уште неколкумина се повредени. Претседателот на Алжир, Абделмаџид Тебун изрази сочувство до семејството на настраданиот и на повредените им посака брзо заздрвување.

 

 

„Со голема тага и болка во срцето ја примивме веста на нашиот навивач Јунес Амгузи кој загина по пад од горната трибина“, соопшти клубот на својот Инстаграм профил.

Повредените се итно превезени в болница, а фудбалерите, членовите на стручниот штаб и на управата на МЦ Алжер заминаа да донираат крв. Поради трагедијата, церемонијата на доделување на трофеите беше одложена.