Го најави ли Рамос своето враќање во Реал Мадрид? (ФОТО)

11 ноември 2024 - 08:38

Екипата на Реал Мадрид е во сериозна криза со дефанзивната линија на тимот, сезоната веќе заврши за Карвахал и Милитао, а надвор од терените е и Давивд Алаба.

Во таква ситуација во јавноста се појави опција за враќање на Серхио Рамос кој во овој момент е без клуб.

Таков предлог до својот поранешен тим даде и легендарниот Гути.

„Серхио Рамос е без тим. Тој игра како централен дефанзивец и како десен бек. Беспари е. Човек кој бил дел од тимот, кој играше одлично минатата година во Севиља, активен е и може да помогне во овие шест месеци“, гласеше неговата изјаваа.

Но, сега внимание привлече и еден потег на шпанскиот ветеран. Имено, медиумите забележаа дека Рамос „лајкна“ објава од изјавата на Гути. За многумина ова е јасна порака од Рамос до Анчелоти и Перез дека тој би прифатил да се врати.