Гигантите во битка за голгетерот од Серија А, Аталанта ја одреди цената

Последен во низата кој би можел да донесе голема заработка за клубот од Бергамо е 25-годишниот напаѓач, Матео Ретегуи.

Ретегуи ја минува својата втора сезона откако пристигна од Џенова за сума од 21 милион евра што е сума која сигурно ја оправда бидејќи постигна 23 гола на 33 натпревари во сите натпреварувања.

Напаѓачот го привлече вниманието на бројни европски клубови меѓу кои се: Манчестер јунајтед, Арсенал и ПСЖ.

Манчестер јунајтед баш и не се прослави со последниот трансфер од Аталанта бидејќи го купи Расмус Хојлунд за 70 милиони евра кој на теренот прикажува настапи далеку под нивото на кое се очекуваше.

Слична е цената и на Ретегуи, Аталанта нема намера да го продаде за сума под 60 милиони евра.