Дочека: Нејмар по повеќе од една година повторно ќе заигра за Бразил

06 март 2025 - 17:56

По пауза од повеќе од една година Нејмар повторноо ќе биде дел од репрезентацијата на Бразил откако доби повик за дуелите со Колумбија и Аргентина во квалификациите за Светското првенство.

Нејмар заработи повреда во натпреварот против Уругвај кој се играше во октомври 2023 година, а неодамна по разочарувачкиот период во Ал Хилал се врати во клубот од неговото детство Сантос.

Во Сантос Нејмар игра одлично и во седум настапи зад свеото име веќе има три гола и две асистенции и тоа резултираше со повик од селекторот Доривал Жуниор кој ги предводи „Кариоките“.

Нејмар за Бразил одигра 128 натпревари и постигна 79 головим а беше дел од селекцијата која освои златен медал на Олимписките игри во Рио, како и репрезентацијата која заврши второпласирана зад Аргентина на Копа Америка во 2021 година.

На табелата во квалификациите Бразил е петти со 18 бодови од 12 натпревари и на 21 март ќе игра против Колмбија, додека пет дена подоцна ќе ја пречка Аргентина.