Ден кој ќе го памети: Навивач на Ливерпул денеска играше против „црвените“ на „Енфилд“

11 јануари 2025 - 19:37

Фудбалерот на нисколигашот Акрингтон, Џош Вудс денешениот ден веројатно ќе го памети до крајот на својот живот.

Вудс кој е голем навивач на Ливерпул гостуваше со својот тим на „Енфилд“ во рамките од првото коло во ФА Купот, а на теренот во домот на својот омилен клуб одигра 63 минути.

По натпреварот Вудс имаше прилика да се сретне и со тренерот на „црвените“, Арне Слот кој му ја исполни големата желба и се фотографираше со него.

Кога е натпреварот во прашање, Ливерпул ја оправда фаворитската улога со убедлива победа од 4-0 и така обезбедија место во следната фаза. Погодоците за фаворитот ги постигнаа: Диого Жота, Арнолд, Данс и Киеза.