Гол-шоу на „граѓаните“: Манчестер сити постигна осум гола против третолигаш (ВИДЕО)

11 јануари 2025 - 20:38

Фудбалерите на Манчестер сити денеска и во изменет состав славеа убедливва победа против третолигашот Салфорд со 8-0.

Избраниците на Пеп Гвардиола така ја забележаа најубедливата победа во денешните натпревари од ФА Купот, а постигнаа три гола во првото полувреме и уште пет во второто.

Гол-шоуто го започна Доку уште во осмата минута, а во 20. минута Мубама се погрижи за 2-0. Предност од 3-0 пред крајот на првиот дел одбезбеди О'Рајли.

Во второто полувреме уште еднаш погоди Доку, стрелаше и Грилиш, додека Мекти запиша хет-трик кој е негов прв во сениорскиот тим на Манчестер сити.