Jувентус по старо во Серија А: Не губи, но и не победува (ВИДЕО)

11 јануари 2025 - 19:58

Фудбалерите на Јувентус останаа непоразени и по 20. коло во италијанската Серија А, но и повторно избраниците на Тијаго Мота не победија и ремизираа со градскиот ривал Торино (1-1).

Јувентус подобро го започна натпреварот и во почетните минути создаде неколку прилики и една од нив искористи Кенан Јилдиз. Се играше осмата минута од натпреварот кога турскиот напаѓач ја затресе мрежата на Торино и донесе предност.

Торино не создаваше посериозни прилики, меѓутоа во последните моменти од првиот дел успеа да дојде до израмнување. Голот за 1-1 го постигна Никола Власиќ.

Во второто полувреме гледасвме нешто помирна игра, двете екипи имаа по некоја шанса за гол, но резултатот не се промени. За издвојување е ситуацијата од 56. минута во која исклучени беа двајцата тренери, Ваноли и Мота.

За Јувентус ова беше вкупно 12. реми во Серија А и дури шесто во последните седум натпревари.