Кејн ја „реши“ Борусија и го врати Баерн на „плус четири“ (ВИДЕО)

11 јануари 2025 - 20:24

Фудбалерите на Баерн Минхен со победа ја започнаа 2025 година во Бундеслигата и вечерва беа подобри од Борусија Менхегладбах (0-1).

Беше подообар противник Баерн од ривалот од првата минута, но и не создаде премногу прилики за гол, домаќините од друга страна во првите 45 минути не упатија ниту еден удар во рамките од голот.

Моментот на одлука се случи во 68. минута кога Хари Кејн беше сигурен реализатор на најстрогата казна и тој гол се покажа како доволен за победа на гостите од Минхен.

Со овие три бода Баерн ја враќа предноста од четири бода на врвот во однос на Леверкузен која ја имаше и пред ова 16. коло.