Бока ќе настрада за реваншот во Суперкласико - без тројца фудбалери ќе мора да игра против Ривер?

27 ноември 2018 - 19:32

Денеска беше објавен новиот термин за одигрување на реваншот во Копа Либертадорес помеѓу Ривер плејт и Бока јуниорс, а тоа треба да биде на осми или деветти декември, но не е позната локација. Сепак, за Бока сега се појавија нови проблеми пред Суперкласико.

Откако беше каменуван нивниот автобус пред стадионот „Монументал“ и беа повредени неколку фудбалери, сега тројца од нив се обвинети дека го навредувале координаторот на КОНМЕБОЛ во соблекувалната и сега се соочуваат со суспензија.

Почната е истрага поради целиот инцидент, а Карлос Тевез, Рамон Абила и Пабло Перез би можеле да го пропуштат реваншот со Ривер, доколку бидат казнети поради нивниот испад.