Бока јуниорс го освои Купот Судамерикана, Паредес колабира среде интервју (ВИДЕО)
Овој триумф претставува прв интернационален трофеј за Бока по подолг период, што очекувано донесе големо и бурно славје по завршувањето на натпреварот. Сепак, еуфоријата за момент беше засенета од непријатен и вознемирувачки настан, откако капитенот Леандро Паредес колабираше додека даваше изјава пред медиумите. Лекарските екипи реагираа веднаш и започнаа со реанимација на самото место. Според првичните информации, до колапсот дошло поради преголем замор и нагол пад на крвниот притисок. Натпреварот се одигра во колумбискиот град Баранкиља на температура од 30 степени и влажност на воздухот од неверојатни 80%.
По укажаната прва помош, Паредес бил пренесен во болница на преглед. За среќа, неговата состојба брзо се стабилизирала, по што бил пуштен од болницата и заминал во тимскиот хотел, каде со големо олеснување го пречекале неговите соиграчи.