Бензема може да се врати во Реал Мадрид во нова улога

16 декември 2024 - 14:04

Според последните информации, Карим Бензема кој во овој момент го носи дресот на Ал Итихад во Саудиска Арабија би можел да ја заврши кариерата.

Иако веројатно во неговите нозе има сигурно уште неколку години фудбал, Бензема размислува за повлекување.

Од доаѓањето на Французинот во Ал Итихад имаше две тренерски смени, а тимот се уште не игра на нивото на кое е потребно. Бензема исто така не се чувствува добро на физички план, па таквата ситуација го води кон пензија.

Но, тој веројатно и не би останал долго без ангажман бидејќи Реал Мадрид наводно сака да го врати во клубот сега на амбасадорската позиција. Бензема во Реал Мадрид ги помина најдобрите денови од кариерата и во овој клуб настапуваше во период од 2009 до 2023 година.