Дирекот спречи Сирија да оди на СП (ФОТО+ВИДЕО)

10 октомври 2017 - 14:00

Цела Австралија остана без здив во 120-та минута од денешниот реванш-бараж меч во азиските квалификации, откако Омар Ал Сома погоди дирек од слободен удар, кој можеше на разрушената Сирија поради петгодишната војна да и донесе неверојатна радост.

Немаше среќа Сирија да даде втор гол, откако поведе, но Том Кејхил со два гола со глава направи пресврт и преку продолженијата да ја однесе Австралија до победа. Но, 120-та минута долго ќе ја паметат Австралијците, кои преживеаа инфаркт по слободниот удар. За нивна среќа, дирекот беше сојузник за да не бидат елиминирани.