Влаховиќ ќе седи цела сезона на трибини само за да земе 12 милиони евра од Јувентус

21 јуни 2025 - 07:40

Српскиот напаѓач Душан Влаховиќ одбива да го напушти Јувентус, иако калчолигашот е подготвен да го продаде за „само“ 25 милиони евра. Талентираниот фудбалер сака да му се одмазди на поранешниот италијански шампион и поради тоа е подготвен да жртвува цела сезона.

Јувентус сака да го продаде Влаховиќ за да се ослободи од платата од 12 милиони евра, откако претходно Србинот одби да потпише нов договор со помала плата (осум милиони евра), но очигледно ќе има проблеми да го реализира планот.

Влаховиќ наводно бил подготвен да остане во тимот од Торино до крајот на договорот, па дури и по цена да седи на трибини само за да ги земе парите од последната година од договорот.

Србинот се поврзуваше со неколку екипи, меѓу кои беше и Милан, меѓутоа засега нема напредок во преговорите.

Фото: Facebook/Juventus